傍晚經過調景嶺地鐵站,看見一位阿姐在派傳單,B4大小的白紙上,大大隻黑字寫著「觀音借庫」。係喎,明天就是正月廿六觀音開庫日子,忙到爭D唔記得。咦,咁又關傳單乜事?原來叫人去茶果嶺天后廟借庫,仲列明開放時間和前往交通,又講明廟內有清香寶燭發售,唔駛周圍撲。
天后廟?觀音借庫?通天記者冇寫錯,傳單亦冇寫錯,邊個規定天后廟唔可以供奉觀音,唔可以安排向觀音借庫呢?好多廟宇都係咁做喇。傳單仲講明乜人犯太歲、乜人犯白虎,謂善信可以前往攝太歲或祭白虎。
上載之時,已有很多人在紅磡觀音廟排隊,等緊上頭炷香。而據通勝,借庫的最佳時間是庚辰時(7:am-9:am,金匱吉星值時)。此外,丁丑時(1:am-3:am)及己卯時(5:am-7:am)有天乙貴人值時,大吉。至於辛巳時(9:am-11:am)、壬午時(11:am-1:pm),都是借庫的好時辰。最遲也要在癸未時(1:pm-3:pm)內完成借庫。……
(閱讀全文)







